يابنت إن كان العيب فيني سعـودي يالله تزيـد العيـب هـذا ملايـيـن ..!

هلا والله هذي قصديه اعجبتني وجبتهاا لكم



يابنت إن كان العيب فيني سعـودي
يالله تزيـد العيـب هـذا ملايـيـن

أحب عيبي وأفتخـر بـه بـزودي
وأبا انشره يابنت بأكبـر عناويـن

حنـا رجـالٍ كلبـونـا أســودي
أدنى ولد فينـا يـروض سلاطيـن

وإن كان قمنا طار نـوم الرقـودي
ماعاد نرجع لين ننصر هـل الديـن

حنا هل التوحيـد وأهـل الحـدودي
من ذمنا يابنـت حاسـد ومسكيـن

مانلتفت صوب الضعيف الحقـودي
ندوس رأسه داخل التبـن والطيـن

حنا لابـو متعـب دروع وجنـودي
عبدالله إللي لطمتـه تفقـع العيـن

لاقام جـاه مـن القبايـل وفـودي
كلاً يقول أبشـر وحـدد لنـا ويـن

وحنا شمـر أهل الوفا والصمـودي
لاجاء نهارٍ فيه وجه الدهـر شيـن

وإن كان جاء في الجو غيم ورعودي
حنا هـل الطـولات للجـار حاميـن

والجار لو يخطي نزيـد الصـدودي
نعطيـه حقـه. بالمواثيـق وافيـن

ولا العدو. يخسى العـدو اللـدودي
في عينهم حنـا سـواة السكاكيـن

مـن دون مكـة والمدينـة نـذودي
ترخص علينا الروح .للموت ماشين

من جـود ربـي كلبـونـا نجـودي
محتاجنـا كأنـه ويملـك بلايـيـن

هذا السعودي وارث من الجـدودي
من دون دينـه يرفـع أم النياشيـن

يشهد لنـا التاريـخ والله شهـودي
أول كتائب جيشنـا فـي فلسطيـن

::

وسلامتكم..